कात्रज : पुणे जिल्हा सहकारी दूध उत्पादक संघ म्हणजेच कात्रज डेअरीची कात्रज खवा मोदक, चॉकलेट मोदक, मंगो मोदक, पेढे, कलाकंद, मलई बर्फी, अंजीर बर्फी, मंगो बर्फी व पान, गुलकंद व शुगर फ्री कानू कतली ही उत्पादने लोकप्रिय असून चोखंदळ पुणेकर ग्राहकांच्या पसंतीला उतरलेले आहेत. यामध्ये सर्व मिठाई उत्पादने २५० ग्रॅम बॉक्स व १०० ग्रॅम बॉक्स पंकिंग साईजमध्ये ग्राहकांसाठी उपलब्ध आहेत.
कात्रज डेअरीने गणोशोत्सवामध्ये असंख्य ग्राहकांची मागणी पुर्ण केलेली आहे. २०० ग्रॅम मॅप पंकिंगमध्ये उपलब्ध करुन दिल्यामुळे मोदकांच्या विक्रीमध्ये विक्रमी वाढ झालेली आहे. एकूण ३४% ची वाढ नोंदवणेत आलेली आहे. तसेच पेढे, बर्फी, पनीर, श्रीखंड, आम्रखंड, बासुंदी, ग्रीनपीजची सुद्धा मागणी चांगली नोंदवली आहे.
याशिवाय कात्रज डेअरीची श्रीखंड, आम्रखंड व बासुंदी ही उत्पादने देखील ग्राहकांसाठी उपलब्ध असणार आहेत. कात्रज डेअरी ही पुणे जिल्ह्यातील दूध उत्पादक शेतकऱ्यांची सहकारी संस्था असून आयएसओ २२०००:२०१८ व १४००१:२०१५ ही प्रमाणपत्रे मिळविलेली आहेत. याबरोबरच गुणवत्ता व दर्जा बाबतचे एनडीडीबीचे कॉलिटी मार्क हे प्रमाणपत्र मिळालेले आहे.
डेअरीच्या विक्रीचा लाभ हा शेतकऱ्यांना होत असल्याने कात्रजची दर्जेदार उत्पादने खरेदी करुन सर्व ग्राहकांनी दसरा व दिवाळी सणानिमित्त कात्रजची दर्जेदार व भेसळविरहीत उत्पादनांचा आस्वाद घ्यावा असे आव्हान संघाचे चेअरमन अॅड. स्वप्नील ढमढेरे साो. यांनी केले आहे.
